နည်းပေးညွှန်ပြခြင်း၏ စွမ်းပကားကို သင့်အဖွဲ့အစည်းအတွင်း ထုတ်ဖော်ခြင်း
သင်တန်းအကြောင်း
ဝန်ထမ်းများအချင်းချင်း လိုက်လျောညီထွေ ပူးပေါင်းဆောင်ရွက်နိုင်စေရန်၊ စွမ်းဆောင်ရည်များ တိုးတက်လာစေရန်၊ သစ္စာစောင့်သိမှုများကို ရရှိနိုင်ရန် အကောင်းဆုံးသော နည်းလမ်းသည် နည်းပေး ညွှန်ပြမှုကို လေ့ကျင့်သင်ကြားပေးသော အစီအစဉ် (mentoring program) ပြုလုပ် ဆောင်ရွက်ပေးခြင်းပင် ဖြစ်သည်။ အတွေ့အကြံုနည်းသေးသော အလုပ်သမားများကို လုပ်သက်ရ တွဲဖက်ဝန်ထမ်းများနှင့် ယှဉ်တွဲပူးပေါင်း ဆောင်ရွက်စေခြင်းသည် လုပ်ငန်းလုပ်ကိုင် ဆောင်ရွက် ရာတွင် အဆင်ပြေချောမွေ့လွယ်ကူစေရန် အထောက်အကူပြုနိုင်ပါသည်။ ရေရှည်ရည်မှန်းချက် ပန်းတိုင်များနှင့် ဝန်ထမ်းများ၏ အောင်မြင်မှုများ ဖြစ်ထွန်းတိုးပွားလာခြင်းကို ထိရောက်သော mentoring programက ထင်ရှားစွာ ဆောင်ကျဉ်းပေးပါလိမ့်မည်။ ထို့အပြင် ထိုရည်မှန်းချက် ပန်းတိုင်များ ရရှိအောင်မြင်နိုင်မည့် အခွင့်အလမ်းများကို ခွဲခြားရွေးထုတ်ခြင်းကိုလည်းကောင်း၊ စီမံကိန်းများ အစဉ်တစ်စိုက် လျာထားရေးဆွဲခြင်းကို အကူအညီပေးခြင်းကိုလည်းကောင်း၊ အရေးကြီးသော စီးပွားရေးတန်ဖိုးများ၊ နယ်ပယ်အလိုက် ကျွမ်းကျင်မှုနှင့် အတွေ့အကြံုများကို လက်ဆင့်ကမ်း မျှဝေနိုင်ရန်လည်းကောင်း ၎င်း ပရိုဂရမ်များက ဆောင်ရွက်ပေးပါသည်။
သင်လေ့လာသင်ယူရမည့် အရာများ
ထိရောက်သော mentoring အစီအစဉ်များ အစပျိုးလုပ်ဆောင်နိုင်ရန်အတွက် မရှိမဖြစ် လိုအပ်သော အခြေခံလိုအပ်ချက်များကို ဤသင်တန်းက ထောက်ပံ့ပေးပါမည်။ မည်သည့် menteeအဖွဲ့ကို ဦးစားပေးကာ အကောင်းဆုံး ဝန်ဆောင်မှုပေးနိုင်မည်ကို ချင့်တွက်ပြီး mentoring၏ ရည်ရွယ်ချက်များကို စဉ်းစားဆုံးဖြတ်ပါ။ တိကျသေချာစွာ ယှဉ်တွဲပူးပေါင်း လုပ်ဆောင် နိုင်သော mentor နှင့် menteeများအတွက် လမ်းညွှန်ချက်များကို လက်ခံစဉ်းစားပြီး သာလွန်ကောင်းမွန်သော ဆက်ဆံရေးများ ခိုင်မာစေရန် ပုံစံချထားသော၊ mentoring ဟောပြောပို့ချခြင်းများအတွက် အဆင့်ငါးဆင့်ပါရှိသည့် နည်းစနစ်ကို လေ့လာသင်ယူပါ။
သင်ဘာကြောင့် ဤသည်ကိုသင်ယူချင်ရသည်
တီထွင်ဖန်တီးမှုကောင်းသော mentoringအစီအစဉ်သည် အလွန့်အလွန်ကြီးမားသော၊ အတွေးအခေါ်များ စုဆောင်းသိုမှီးသော ကန်ကြီးနှင့် တူလှပေသည်။ စင်စစ်တွင် ၎င်းသည် အတွေးအမြင်များကို ဝေမျှခြင်းပင်ဖြစ်သည်။ ထို့အပြင် ၎င်းသည် ဟောပြောသူ၏ ပို့ချချက်ကိုသာ နားထောင်ရသော တစ်လမ်းသွားစနစ်မျိုး မဟုတ်ပေ။ လုပ်သက်ရ တွဲဖက်ဝန်ထမ်းများသည် အတွေ့အကြံုနည်းသေးသော ဝန်ထမ်းသစ်များကို လုပ်ငန်းအတွေ့အကြံုများ မျှဝေကာ လမ်းညွှန်ပြီး အကူအညီပေးကြပါသည်။ တစ်ဆက်တည်းမှာပင် ထိုလူသစ်များက သင့်အစည်းအဝေးစားပွဲဆီသို့ ဆန်းသစ်သော အမြင်သစ်၊ သဘောထားရှုထောင့်သစ်များ ယူဆောင်လာပါလိမ့်မည်။
သင့်ကို မည်သို့ ကူညီပေးမည်
သင်သည် နေ့စဉ်လုပ်ငန်းဆောင်တာများကို ခေါင်းဆောင်တစ်ဦးအနေဖြင့် နည်းပေးလမ်းညွှန်မှုများ လုပ်ကောင်းလုပ်ဖူးပါလိမ့်မည်။ သို့သော်လည်း mentoring programကို အသုံးချခြင်းဖြင့် သင်က အတွေ့အကြံု နည်းသေးသူများကို လမ်းညွှန်ပြသခြင်းအား အကူအညီပေးမည့်သူများလည်း ရှိပါသေးသည်။ ဝန်ထမ်းတိုင်း ညီညွတ်စွာ ပူးပေါင်းဆောင်ရွက်မှုသည် အကောင်းဆုံးအနေအထား ဖြစ်ခဲ့ပါလျှင် အဆိုပါ အဖွဲ့အစည်းသည် ပျော်ရွှင်ဖွယ်ကောင်းပြီး ကုန်ထုတ်စွမ်းအား ကောင်းမွန်သော၊ ဖွံ့ဖြိုးတိုးတက်လွယ်သော နေရာတစ်ခုဖြစ်လာမည်မှာ မလွဲပင်ဖြစ်သည်။
