ရေရှည်တည်တံ့ခိုင်မြဲမည့် Employee Engagement အတွက် မန်နေဂျာတစ်ယောက်၏လမ်းညွှန်မှု
သင်တန်းအကြောင်း
မှန်ပါသည်။ ဝန်ထမ်းလခများတွက်ချက်ခြင်းသည် အရေးကြီးပါသည်။ သို့သော် သုတေသနများအရ ရှေ့တန်းမန်နေဂျာများသည် Employee Engagement အတွက် အခြားမည်သည့်ကဏ္ဍထက်ပင်မဆို --- ကုမ္ပဏီအပေါ်ယုံကြည်ခြင်း၊ ထုတ်ကုန်ပစ္စည်းအပေါ်ဂုဏ်ယူခြင်းနှင့် ရာထူးတိုးခြင်းတို့ထက်ပင်ပို၍ --- အကျိုးသက်ရောက်မှုရှိသည်ဟု ပြောပါသည်။ ၎င်းတို့၏မန်နေဂျာများနှင့်ဆက်ဆံရေးသည် ဝန်ထမ်းတစ်ယောက်၏လုပ်ငန်းကို ပိုမိုစိတ်နှစ်ကာ လုပ်ကိုင်ပေးချင်စိတ် (သို့) ထိုကုမ္ပဏီ၌ပင် ဆက်လက်လုပ်ကိုင်လိုစိတ်များအတွက် အကြီးမားဆုံးအဆုံးအဖြတ်ပေးသည့် အကြောင်းတရားပင်ဖြစ်သည်။ ဤစီးရီးသည် Employee Engagement အတွက် စေ့ဆော်ပေးသောအကြောင်းတရားများနှင့် မန်နေဂျာများ၏ကဏ္ဍ အဘယ်ကြောင့် အခရာကျသည်ကို ဖော်ထုတ်ပေးပါသည်။
သင်လေ့လာသင်ယူရမည့် အရာများ
အပိုင်း (၃) ပိုင်းပါရှိသော ဤနှီးနှောဆွေးနွေးပွဲသည် သင့်အား Employee Engagement နှင့် ပိုမိုမြင့်မားသော စိတ်အားတက်ကြွမှုအဆင့်များကို ထိန်းသိမ်းထားရန် ခြေလှမ်းများတစ်လျှောက်ခေါ်ဆောင်သွားပေးမည်ဖြစ်ပါသည်။ သင့်လုပ်သားများအကြားတွင် လိုအပ်သည့်အလျောက်စိတ်အားထက်သန်စွာ လုပ်ဆောင်ပေးနိုင်ရန် ခံစားချက်များကို မီးညှိပေးမည့် အရာများ၊ လုပ်ဆောင်ချက်များနှင့် အမူအကျင့်များကို ရှာဖွေလေ့လာလိုက်ပါ။ အကောင်းဆုံးသော အလေ့အကျင့်များကိုကျင့်သုံးကာ သေချာဂရုစိုက်ပေးတတ်သော ခေါင်းဆောင်တစ်ယောက်ဖြစ်လာစေပြီး သင့်အဖွဲ့အစည်း၏ အဆင့်တိုင်းမှသူများထံမှ ထောက်ခံမှုကိုရယူလိုက်ပါ။
သင်ဘာကြောင့် ဤသည်ကိုသင်ယူချင်ရသည်
ချိတ်ဆက်ထားရှိပြီး အတူတကွလုပ်ဆောင်တတ်သောဝန်ထမ်းများရှိသည့် အဖွဲ့အစည်းများသည် အခြားအဖွဲ့အစည်းများထက် ၂၀၂% ပို၍အကျိူးဖြစ်မြောက်စွာဆောင်ရွက်နိုင်ကြပြီး ရှယ်ယာရှင်များအတွက် အမြတ်အစွန်းလည်း ၂၀%ပိုမို ရရှိတတ်ကြသည်။ သင့်အဖွဲ့အစည်းတွင်း ချိတ်ဆက်လုပ်ဆောင်မှုများ၏ကြားခံပစ္စည်းအဖြစ် ရပ်တည်လိုက်ပြီး အလုပ်ဖြစ်မြောက်မှုနှင့် အမြတ်အစွန်းရရှိမှုများ ခေါင်မိုးပင်ပေါက်ထွက်ရလောက်အောင်တိုးပွားလာသည်ကို စောင့်ကြည့်လိုက်ပါ။ --- ပြီးတော့ ဝန်ထမ်းတွေ နုတ်ထွက်တာလည်း 'ရပ်'သွားမှာနော် !
သင့်ကို မည်သို့ ကူညီပေးမည်
Employee Engagement ၏ စီးပွားရေးတန်ဖိုးကို ပိုမိုရှင်းလင်းစွာနားလည်သဘောပေါက်လာမှုနှင့်အတူ စိတ်အားတက်ကြွမှုမြှင့်တင်ပေးသည့်၊ အပြည့်အဝချိတ်ဆက်လုပ်ဆောင်တတ်သော လုပ်သားအင်အားစု အဖွဲ့အစည်းတွင်း ဆက်လက်တည်ရှိနေစေသည့် စီမံကိန်းတစ်ခုကို ချမှတ်လိုက်ပါ။ Employee Engagement သည် သင်၏လက်တစ်ကမ်းမှာပင် ရှိပါသည်။ စိတ်ဓာတ်ခွန်အားတည်ဆောက်၊အားကောင်းစေသော ကိရိယာတန်ဆာပလာများကို ထောက်ကန်အားယူလိုက်ပါ။ ပြီးတော့ တိုင်းတာနိုင်တဲ့ရလဒ်တွေကို မြင်တွေ့လိုက်ပေါ့။
